-Recovered.gif)
“Azərbaycan Sənaye Korporasiyası” ASC-nin Müşahidə Şurasının iclası keçirilmişdir
21 aprel 2021-ci il tarixində “Azərbaycan Sənaye Korporasiyası” ASC-nin Müşahidə Şurasının sədri, Azərbaycan Respublikası Prezidentinin köməkçisi Natiq Əmirovun sədrliyi ilə Şuranın növbəti iclası keçirilmişdir.
İclasda Şuranın üzvləri - Azərbaycan Respublikasının Birinci vitse-prezidentinin köməkçisi Xalid Əhədov, İqtisadiyyat naziri Mikayıl Cabbarov, Maliyyə naziri Samir Şərifov, Kənd Təsərrüfatı naziri İnam Kərimov, həmçinin “Azərbaycan Sənaye Korporasiyası” ASC-nin Baş direktoru Kamran Nəbizadə və Korporasiyanın digər vəzifəli şəxsləri iştirak etmişdir.
Videokonfrans formatında keçirilən iclasda “Azərbaycan Sənaye Korporasiyası” ASC-nin 2020-ci ilin yekunları üzrə maliyyə göstəriciləri, o cümlədən, digər cari məsələlər müzakirə olunmuş, Korporasiyanın fəaliyyətinə dair hesabatlar dinlənilmiş, müvafiq qərarlar qəbul edilmiş, eyni zamanda, Müşahidə Şurası tərəfindən strateji hədəflərlə bağlı əhəmiyyətli tövsiyyələr verilmişdir.
