-Recovered.gif)
“Azərbaycan Sənaye Korporasiyası” ASC və “İHK Koblenz” arasında görüş keçirilib
14 oktyabr 2024-cü il tarixində Alman-Azərbaycan Xarici Ticarət Palatasının dəstəyi ilə “Azərbaycan Sənaye Korporasiyası” ASC, “Azəralüminium” MMC və Almaniyanın Koblenz şəhərinin Sənaye və Ticarət Palatasının (“İHK Koblenz”) rəhbər heyəti arasında görüş keçirilmişdir. Görüşdə “Azəralüminium” MMC-nin direktoru Maksim Cavadov, “Azərbaycan Sənaye Korporasiyası” ASC-nin Strateji inkişaf və kommersiya departamentinin direktoru Rüstəm Əkbərli, sözügedən departamentin Beynəlxalq əlaqələr şöbəsinin müdiri Şahin Eldarov və Alman-Azərbaycan Xarici Ticarət Palatasının, eləcə də Koblenz şəhər Sənaye və Ticarət Palatasının rəhbər heyəti, həmçinin Almaniyadan gəlmiş bir sıra şirkət və bəhsi keçən qurumların nümayəndələri iştirak etmişdir.
Danışıqların əsas mövzusu “Azərbaycan Sənaye Korporasiyası” ASC ilə alman şirkətləri arasında qarşılıqlı əməkdaşlıq əlaqələrinin gücləndirilməsi və genişləndirilməsi, bundan əlavə Almaniyanın Koblenz, Münhen və digər şəhərlərini təmsil edən bir sıra şirkət nümayəndələri ilə iqtisadi əlaqələrin inkişafı istiqamətində müzakirələr olmuşdur. Biznes tərəfdaşlığının təşviqi və qabaqcıl biznes təcrübələrinin tətbiqi baxımından əhəmiyyət daşıyan görüşdə strateji layihələrin birgə icrası və bu yöndə əməkdaşlığın qurulması perspektivlərinə dair danışıqlar da aparılmışdır. Sonda birgə müzakirələrin davam etdirilməsi və gələcək perspektivlərin inkişafı ilə bağlı razılıq əldə olunmuşdur.
Fotolent
