İcra orqanı

Kamran Nəbizadə
Baş direktor

Kamran Nəbizadə 5 fevral 1971-ci ildə Bakı şəhərində anadan olub. 1987-ci ildə Bakı şəhəri 6 saylı orta məktəbi bitirib. 1992-ci ildə M.V.Lomonosov adına Moskva Dövlət Universitetinin İqtisadiyyat fakültəsini bitirib . 1993-cü ildən 1998-ci ilə qədər Azərbaycan Respublikası Dövlət Neft Şirkətində məsul vəzifələrdə çalışıb. 1998-ci ildən 2003-cü ilə qədər "Lukoil Marine İnternational" şirkətinin vitse-prezidenti olub. 2001-ci ildə Ümumrusiya Xarici Ticarət Akademiyasını bitirib. 2003-2006-cı illərdə Azərbaycan Respublikası Sənaye və Energetika Nazirliyi və Azərbaycan Respublikası Dövlət Neft Şirkətində məsul vəzifələrdə çalışıb. 2006-cı ildən fərdi sahibkarlıq fəaliyyəti ilə məşğul olub. 01 noyabr 2015-ci il tarixində Qazax rayonu 107 saylı seçki dairəsindən Azərbaycan Respublikası Milli Məclisinin deputatı seçilib. İqtisadiyyat üzrə fəlsəfə doktorudur. Azərbaycan Respublikası Prezidentinin 06 noyabr 2017-ci il tarixli Sərəncamı ilə “Azərbaycan Sənaye Korporasiyası” Açıq Səhmdar Cəmiyyətinin Baş direktoru təyin edilmişdir.

İlqar İsayev
Baş direktorun müavini

İlqar İsayev 26 fevral 1967-ci ildə Bakı şəhərində anadan olub. 1990-cı ildə N. A. Voznesenski adına Leninqrad Maliyyə-iqtisad İnsitutunun Bakı filialının “Mühasibat uçotu və təsərrüfat fəaliyyətinin təhlili” fakültəsini fərqlənmə diplomu ilə bitirib. 1990-cı ildən 2018-ci ilədək Azərbaycan Respublikası Maliyyə Nazirliyində, o cümlədən 1993-cü ildən müxtəlif rəhbər vəzifələrdə işləyib. Eyni zamanda 1999 - 2005-ci illərdə Səudiyyə Ərəbistanının Ciddə şəhərində yerləşən İslam İnkişaf Bankının İcraçı direktoru vəzifəsində işləyərək, həmin bankın icraçı direktorlar şurasında Azərbaycan, Qazaxıstan, Qırğızıstan, Türkmənistan, Tacikistan və Özbəkistanın daxil olduğu qrupu təmsil edib. Azərbaycan Respublikası Prezidentinin 09 iyul 2018-ci il tarixli Sərəncamı ilə “Azərbaycan Sənaye Korporasiyası” Açıq Səhmdar Cəmiyyətinə Baş direktorun müavini təyin edilmişdir.

İlham Bayramov
İstehsal və əməliyyatlar departamentinin direktoru

İlham Bayramov 10 avqust 1970-ci ildə Zəngəzur mahalı, Sisyan rayonunun Urud kəndində anadan olub. 1992-ci ildə M.V. Lomonosov adına Moskva Dövlət Universitetinin “Torpaqşünaslıq və aqrokimya” fakültəsini, 2009-cu ildə isə Azərbaycan Respublikası yanında Dövlət İdarəçilik Akademiyası “Rəhbər kadrların ixtisasının artırılması” fakültəsini fərqlənmə ilə bitirib. 2002-ci ildə Azərbaycan Respublikası Silahlı Qüvvələrinin Hərbi Akademiyasının “Strateji Tədqiqatlar və Dövlət Müdafiəsini İdarəetmə Akademik Kursları” adlı proqramı üzrə təhsil alıb. Kənd təsərrüfatı elmləri üzrə fəlsəfə doktorudur. 1999-2001-ci illərdə Dövlət Torpaq Komitəsinin “Dövlət Torpaq Kadastrı, Monitorinqi və İnformasiya Mərkəzi”ndə şöbə rəisi, 2001-2005-ci illərdə isə həmin Mərkəzin direktor müavini vəzifəsində işləyib. 2005-2006-cı illərdə Azərbaycan Respublikasının Daşınmaz Əmlakın Dövlət Reyestri Xidmətinin aparatında şöbə müdiri, 2006-2009-cu illərdə rəis müavini vəzifəsində çalışıb. 2009-2013-cü illərdə “Caspel” MMC (İT&Telecom Solutions İntegrator)-də İdarə Heyətinin sədr müavini, 2013-2014-cü illərdə “Azərsu” ASC-nin “İnformasiya və Kommunikasiya Texnologiyaları departamenti”nin direktoru vəzifəsində işləyib. 2014-2018-ci illərdə Kənd Təsərrüfatı Nazirliyində aparatın rəhbəri və nazirin müşaviri vəzifələrində çalışıb. Azərbaycan Respublikası Prezidentinin 07.11.2016-cı il sərəncamı ilə “Dövlət qulluğunda fərqlənməyə” görə medalı ilə təltif edilmişdir. 06 noyabr 2018 - ci ildə ‘’Azərbaycan Sənaye Korporasiyası’’ Açıq Səhmdar Cəmiyyətinin "Aqrar istehsalat və ticarət" departamentinin direktor, 18 iyun 2020 ci ildə “İstehsal və əməliyyatlar” departamentinin direktoru vəzifəsinə təyin olunmuşdur.

Fəxri Mehdiyev
Strateji inkişaf və kommersiya departamentinin direktoru

Fəxri Mehdiyev 16 aprel 1974-cü ildə Bakı şəhərində anadan olub. 1990- cı ildə Dövlət Neft Akademiyasına daxil olub və 1995 –ci ildə ‘’Yanacaq energetika kompleks sahələrində iqtisadiyyat və idarəetmə’’ ixtisası üzrə tam kursu bitirib. 1995-2017- ci ilədək Azərbaycan Respublikası Vergilər Nazirliyində rəhbər vəzifələrdə çalışıb. 18 dekabr 2017 - ci ildə ‘’Azərbaycan Sənaye Korporasiyası’’ Açıq Səhmdar Cəmiyyətinin Maliyyə departamentinin direktoru, 21 yanvar 2020-ci ildən isə "Strateji inkişaf və kommersiya" departamentinin direktoru vəzifəsinə təyin olunmuşdur.

Rövşən Məmmədov
Maliyyə departamentinin direktoru

Rövşən Məmmədov 15 iyun 1975-ci ildə Astara şəhərində anadan olub. 1992-ci ildə Astara şəhər Ceyhun Babayev adına 3 saylı orta məktəbi bitirib. 1997-ci ildə Azərbaycan Dövlət İqtisad Universitetinin “İqtisadiyyatın İdarəedilməsi” fakültəsində ali təhsilini fərqlənmə diplomu ilə başa vurub. Londonun “Chartered İnstitute of Management Accountants” institutunun beynəlxalq dərəcəli sertifikatını əldə edərək, “CİMA Certified Business Accountant” tituluna layiq görülüb. Əmək fəaliyyətinə 1996-cı ildə “Hyatt Hotels Baku” şirkətində başlayıb və 2008-ci ilədək həmin şirkətin iaşə, mühasibatlıq, maliyyə şöbələrində müxtəlif vəzifələrdə çalışıb. 2008-ci ildə Qazaxstanın Aktau şəhərində yerləşən “Marriott Renaissance Hotel”-də Maliyyə Direktoru kimi iş fəaliyyətinə davam edib. 2010-cu ildə “Marriott” şirkəti tərəfindən Gürcüstanın Tbilisi şəhərində yerləşən “Marriott” otellərinə Klaster Maliyyə Direktoru vəzifəsinə təyin edilib. Bu şirkətdə çalışarkən ümumdünya maliyyə böhranı şəraitində idarəetmədə əldə edilən uğurlu nəticələrə görə müxtəlif təltiflərə layiq görülüb. 2011-ci ildə Bakıda tikilməkdə olan “JW Marriott Absheron” otelinin açılması məqsədilə həmin otelə Maliyyə Direktoru vəzifəsinə təyin olunub. 2014-cü ildə ABŞ-ın “Trump Organization” şirkətindən iş təklifini qəbul edərək Bakıdakı otel layihəsində Maliyyə Direktoru vəzifəsində çalışıb. 2015-ci ildə “Gilan Holdinq” şirkətində yeni yaradılan “Gilan Hospitality Group” otelçilik və turizm portfelinə Baş Maliyyə Direktoru vəzifəsinə təyin olunub. 28 İyul 2020-ci il tarixindən “Azərbaycan Sənaye Korporasiyası” ASC-nin “Maliyyə” departamentinin direktoru vəzifəsinə təyin olunub.

Azad Aslanov
Korporativ xidmətlər departamentinin direktoru

Azad Aslanov 29 dekabr 1976-cı ildə Gəncə şəhərində anadan olub. 1994-cü ildə Moskva Dövlət Pedaqoji Universitetinin “Sosiologiya, iqtisadiyyat və hüquq” fakültəsinin hüquq bölməsini bitirib. 2000-ci ildə Rusiya Federasiyasının Prezidenti yanında Rusiya Dövlət İdarəçilik Akademiyasının “Bazar iqtisadiyyatının hüquqi təminatı’ kafedrasının aspiranturasına qəbul olub və 2005-ci ildə namizədlik dissertasiyasını müdafiə edərək, hüquq elmləri namizədi elmi dərəcəsini alıb. 1998-2007-ci illərdə Rusiya Federasiyasında müxtəlif dövlət və özəl müəssisələrində hüquq məsləhətçisi vəzifəsində işləyib. 2007-2008-ci illərdə “Akkord SDİ Şirkətlər Qrupu” MMC-də, 2009-2011-ci illərdə “Bakı Hüquq Mərkəzi” MMC-də hüquq məsləhətçisi, 2011-2014-cü illərdə fərdi hüquqşünas, 2014-2018-ci illərdə “LSP” hüquq şirkətində baş hüquqşünas kimi çalışıb. 4 mart 2019-cu ildə “Azərbaycan Sənaye Korporasiyası” Açıq Səhmdar Cəmiyyətinin “İnsan resursları” departamentinin direktor müavini, 2 aprel 2019-cu ildə “Korporativ xidmətlər” departamentinin direktor müavini, 18 iyun 2020-ci ildə “Korporativ xidmətlər” departamentinin direktoru vəzifəsinə təyin olunmuşdur.

Nurlan Quliyev
İstehsal və əməliyyatlar departamentinin direktor müavini

Nurlan Quliyev 13 avqust 1974-cü ildə Bakı şəhərində anadan olub. 1996-cı ildə Dövlət Neft Akademiyasının “Avtomatlaşdırma sistemləri” fakültəsini, 2004-cü ildə Dövlət İqtisad Universitetinin “Maliyyə və kredit” fakültəsini bitirib. 1995-1996-cı illərdə “Bank Respublika” SKB-da müxtəlif vəzifələrdə işləyib. 1996-1997-ci illərdə “Most Bank” KB-da “Beynəlxalq əməliyyatlar” departamentində baş mütəxəssis, 1999-2010-cu illərdə “Kaspian Consulting” auditor şirkətində direktor vəzifəsində çalışıb. 2012-2015-ci illərdə “Kaspian Finance Menecment” MMC-də direktor müavini və direktor vəzifəsində, 2016-cı ildə “Caspian Consulting Partners” MMC-də direktor vəzifəsində işləyib. 5 yanvar 2018-ci ildə “Azərbaycan Sənaye Korporasiyası” Açıq Səhmdar Cəmiyyətinin “Digər istehsalat və xidmətlər” şöbəsinin müdiri, 19 fevral 2018-ci ildə “Ticarət və ictimai iaşə xidmətləri” şöbəsinin müdiri, 8 aprel 2019-cu ildə “Aqrar istehsalat və ticarət” departamentinin direktor müavini, 18 iyun 2020 ci ildə “İstehsal və əməliyyatlar” departamentinin direktor müavini vəzifəsinə təyin olunmuşdur.

Rüstəm Əkbərli
Strateji inkişaf və kommersiya departamentinin direktor müavini

Rüstəm Əkbərli 1 sentyabr 1990-cı ildə Yardımlı rayonunda anadan olub. 2011-ci ildə Bakı Dövlət Universitetinin “Beynəlxalq münasibətlər” fakültəsini fərqlənmə diplomu ilə bitirib. 2012-2013-cü illərdə Bakı Şəhər İcra Hakimiyyətində “Ticarət və xidmət” departamentində mütəxəssis vəzifəsində çalışıb. 2013-2014-cü illərdə Türkiyə Cumhuriyyətinin İstanbul Universitetində “Beynəlxalq İqtisadi Münasibətlər” üzrə magistr təhsili alıb. 2007-2015-ci illərdə “Azərbaycan gənclərinin xarici ölkələrdə təhsili üzrə dövlət proqramı” çərçivəsində 2014-2016-cı illərdə Avstraliyanın Sidney şəhərində yerləşən “Macquarie” Universitetində beynəlxalq biznes və beynəlxalq münasibətlər üzrə ikili magistr dərəcəsi alıb. 2016-2017-ci illərdə “Nurgün Holdinq”də “Biznesin inkişafı” şöbəsində menecer, daha sonra şöbə müdiri vəsifəsində çalışıb. 2018-2019-cu illərdə ‘’Azərbaycan Sənaye Korporasiyası’’ Açıq Səhmdar Cəmiyyətinin Maliyyə departamentində İnvestisiya şöbəsinin aparıcı və baş mütəxəssisi, daha sonra şöbə müdiri vəsifəsində çalışıb. 22 yanvar 2020-ci ildə “Strateji inkişaf və kommersiya” departamentinə direktor müavini vəzifəsinə təyin olunmuşdur.

Toğrul Quluzadə
Hüquq departamentinin direktor müavini

Toğrul Quluzadə 11 iyun 1989-cu ildə Bakı şəhərində anadan olub. 2006-cı ildə orta təhsilini başa vurub. 2006-2010-cu illərdə Bakı Dövlət Universitetinin Hüquq fakültəsində bakalavr təhsili alıb. Sonradan, Riqa Texnik Universitetinin “İqtisadiyyatın və Biznesin İdarəedilməsi” fakültəsində bakalavr, 2013-2014-cü illərdə Riqa və Stokqolm Ali Hüquq Məktəbində “Beynəlxalq Kommersiya Hüququ” üzrə magistr, 2014-2015-ci illərdə isə Belçika Krallığının Qent Universitetində “Beynəlxalq və Avropa Birliyi Biznes Hüququ” üzrə yüksək magistr təhsili almışdır. 2015-ci ildə Almaniyanın Arbitraj İnstitutunun və Köln Universitetinin Beynəlxalq Kommersiya Arbitrajı Akademiyasında “Beynəlxalq Kommersiya Arbitraj Hüququ” üzrə həmçinin, 2019-cu ildə Harvard Universitetində “Müqayisəli Müqavilə Hüququ” üzrə təhsil almışdır. 2012-2013-cü illərdə Latviya Respublikasında fəaliyyət göstərən “United Oils” şirkətində Müqavilə Hüququ üzrə mütəxəssis və həmin şirkətin regional nümayəndəsi, 2015-2019-cu illərdə Bakı Hüquq Mərkəzində baş hüquqşünas vəzifəsində işləyib. Bundan başqa, Bakı Şəhər Halqası Əməliyyat şirkətində (Formula 1 Azərbaycan) hüquq meneceri və Azərbaycan Respublikası Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC-nin Hüquq departamentinin direktoru vəzifəsində işləyib. 2020-ci il 10 iyul tarixindən “Azərbaycan Sənaye Korporasiyası” ASC-nin Hüquq departamentinin direktor müavini vəzifəsinə təyin olunub. 2020-ci il tarixindən BMT-nin “Beynəlxalq Kommersiya Arbitrajı Şurası”nın hüquqşünas üzvüdür. Həmçinin, “London Beynəlxalq Arbitraj Məhkəməsi”nin (LCIA) və “Beynəlxalq Ticarət Palatası”nın (ICC) gənc arbitrlar qrupunun da üzvüdür.

Sənubər Əliyeva
Baş mühasib

Sənubər Əliyeva 11 noyabr 1969-cu ildə Yevlax rayonunda anadan olub. 1992-ci ildə Azərbaycan Dövlət İqtisad Universitetinin “Mühasibat uçotu və təsərrüfat fəaliyyətinin təhlili” fakültəsini bitirib. 1994-cü ildə 9 saylı Dəmir Beton zavodunda baş mühasib, 2007-2017-ci illərdə isə “Azərelektrik Şəbəkə Tikinti” ASC-də baş mühasib vəzifəsində çalışıb. 18 dekabr 2017-ci ildə “Azərbaycan Sənaye Korporasiyası” Açıq Səhmdar Cəmiyyətinin Maliyyə departamentində “Mühasibat uçotu” şöbəsinin şöbə müdiri və Korporasiyanın baş mühasibi vəzifəsinə təyin olunmuşdur.