İcra orqanı

Kamran Nəbizadə
Baş direktor

Kamran Nəbizadə 5 fevral 1971-ci ildə Bakı şəhərində anadan olub. 1987-ci ildə Bakı şəhəri 6 saylı orta məktəbi bitirib. 1992-ci ildə M.V.Lomonosov adına Moskva Dövlət Universitetinin İqtisadiyyat fakültəsini bitirib . 1993-cü ildən 1998-ci ilə qədər Azərbaycan Respublikası Dövlət Neft Şirkətində məsul vəzifələrdə çalışıb. 1998-ci ildən 2003-cü ilə qədər "Lukoil Marine İnternational" şirkətinin vitse-prezidenti olub. 2001-ci ildə Ümumrusiya Xarici Ticarət Akademiyasını bitirib. 2003-2006-cı illərdə Azərbaycan Respublikası Sənaye və Energetika Nazirliyi və Azərbaycan Respublikası Dövlət Neft Şirkətində məsul vəzifələrdə çalışıb. 2006-cı ildən fərdi sahibkarlıq fəaliyyəti ilə məşğul olub. 01 noyabr 2015-ci il tarixində Qazax rayonu 107 saylı seçki dairəsindən Azərbaycan Respublikası Milli Məclisinin deputatı seçilib. İqtisadiyyat üzrə fəlsəfə doktorudur. Azərbaycan Respublikası Prezidentinin 06 noyabr 2017-ci il tarixli Sərəncamı ilə “Azərbaycan Sənaye Korporasiyası” Açıq Səhmdar Cəmiyyətinin Baş direktoru təyin edilmişdir.

İlqar İsayev
Baş direktorun müavini

İlqar İsayev 26 fevral 1967-ci ildə Bakı şəhərində anadan olub. 1990-cı ildə N. A. Voznesenski adına Leninqrad Maliyyə-iqtisad İnsitutunun Bakı filialının “Mühasibat uçotu və təsərrüfat fəaliyyətinin təhlili” fakültəsini fərqlənmə diplomu ilə bitirib. 1990-cı ildən 2018-ci ilədək Azərbaycan Respublikası Maliyyə Nazirliyində, o cümlədən 1993-cü ildən müxtəlif rəhbər vəzifələrdə işləyib. Eyni zamanda 1999 - 2005-ci illərdə Səudiyyə Ərəbistanının Ciddə şəhərində yerləşən İslam İnkişaf Bankının İcraçı direktoru vəzifəsində işləyərək, həmin bankın icraçı direktorlar şurasında Azərbaycan, Albaniya, Qazaxıstan, Qırğızıstan, Türkmənistan, Tacikistan və Özbəkistanın daxil olduğu qrupu təmsil edib. Azərbaycan Respublikası Prezidentinin 09 iyul 2018-ci il tarixli Sərəncamı ilə “Azərbaycan Sənaye Korporasiyası” Açıq Səhmdar Cəmiyyətinə Baş direktorun müavini təyin edilmişdir.

Mülayim Səfərov
İstehsal və əməliyyatlar departamentinin direktoru

Mülayim Səfərov 23 fevral 1962-ci ildə Biləsuvar rayonunda anadan olub. 1979-cu ildə orta təhsilini başa vurub. 1980-1986-cı illərdə D.İ.Mendeleyev adına Moskva Kimya Texnologiyaları İnstitutunun Polimerlərin Kimyəvi Texnologiyası fakültəsində təhsil alıb. Əmək fəaliyyətinə 1986-cı ildə Suraxanı Mayesiz Transfarmatorlar Zavodunda başlayıb. 1994-cü ildən etibarən Azərbaycan Respublikası Dövlət Neft Şirkətində Marketinq və İqtisadi Əməliyyatlar İdarəsində çalışıb. 2008-ci ildən “Socar Petrolium” QSC-də Baş direktorun Əməliyyat Məsələləri üzrə müavini olaraq fəaliyyət göstərib. 25 noyabr 2022-ci il tarixindən etibarən  “Azərbaycan Sənaye Korporasiyası” Açıq Səhmdar Cəmiyyətinin İstehsal və əməliyyatlar departamentinin direktor müavini, 01 iyun 2023-cü ildən isə İstehsal və əməliyyatlar departamentinin direktoru vəzifəsinə təyin olunub.   

Rövşən Məmmədov
Maliyyə departamentinin direktoru

Rövşən Məmmədov 15 iyun 1975-ci ildə Astara şəhərində anadan olub. 1992-ci ildə Astara şəhər Ceyhun Babayev adına 3 saylı orta məktəbi bitirib. 1997-ci ildə Azərbaycan Dövlət İqtisad Universitetinin “İqtisadiyyatın İdarəedilməsi” fakültəsində ali təhsilini fərqlənmə diplomu ilə başa vurub. Londonun “Chartered İnstitute of Management Accountants” institutunun beynəlxalq dərəcəli sertifikatını əldə edərək, “CİMA Certified Business Accountant” tituluna layiq görülüb. Əmək fəaliyyətinə 1996-cı ildə “Hyatt Hotels Baku” şirkətində başlayıb və 2008-ci ilədək həmin şirkətin iaşə, mühasibatlıq, maliyyə şöbələrində müxtəlif vəzifələrdə çalışıb. 2008-ci ildə Qazaxstanın Aktau şəhərində yerləşən “Marriott Renaissance Hotel”-də Maliyyə Direktoru kimi iş fəaliyyətinə davam edib. 2010-cu ildə “Marriott” şirkəti tərəfindən Gürcüstanın Tbilisi şəhərində yerləşən “Marriott” otellərinə Klaster Maliyyə Direktoru vəzifəsinə təyin edilib. Bu şirkətdə çalışarkən ümumdünya maliyyə böhranı şəraitində idarəetmədə əldə edilən uğurlu nəticələrə görə müxtəlif təltiflərə layiq görülüb. 2011-ci ildə Bakıda tikilməkdə olan “JW Marriott Absheron” otelinin açılması məqsədilə həmin otelə Maliyyə Direktoru vəzifəsinə təyin olunub. 2014-cü ildə ABŞ-ın “Trump Organization” şirkətindən iş təklifini qəbul edərək Bakıdakı otel layihəsində Maliyyə Direktoru vəzifəsində çalışıb. 2015-ci ildə “Gilan Holdinq” şirkətində yeni yaradılan “Gilan Hospitality Group” otelçilik və turizm portfelinə Baş Maliyyə Direktoru vəzifəsinə təyin olunub. 28 İyul 2020-ci il tarixindən “Azərbaycan Sənaye Korporasiyası” ASC-nin “Maliyyə” departamentinin direktoru vəzifəsinə təyin olunub.

Azad Aslanov
Korporativ xidmətlər departamentinin direktoru

Azad Aslanov 29 dekabr 1976-cı ildə Gəncə şəhərində anadan olub. 1994-cü ildə Moskva Dövlət Pedaqoji Universitetinin “Sosiologiya, iqtisadiyyat və hüquq” fakültəsinin hüquq bölməsini bitirib. 2000-ci ildə Rusiya Federasiyasının Prezidenti yanında Rusiya Dövlət İdarəçilik Akademiyasının “Bazar iqtisadiyyatının hüquqi təminatı’ kafedrasının aspiranturasına qəbul olub və 2005-ci ildə namizədlik dissertasiyasını müdafiə edərək, hüquq elmləri namizədi elmi dərəcəsini alıb. 1998-2007-ci illərdə Rusiya Federasiyasında müxtəlif dövlət və özəl müəssisələrində hüquq məsləhətçisi vəzifəsində işləyib. 2007-2008-ci illərdə “Akkord SDİ Şirkətlər Qrupu” MMC-də, 2009-2011-ci illərdə “Bakı Hüquq Mərkəzi” MMC-də hüquq məsləhətçisi, 2011-2014-cü illərdə fərdi hüquqşünas, 2014-2018-ci illərdə “LSP” hüquq şirkətində baş hüquqşünas kimi çalışıb. 4 mart 2019-cu ildə “Azərbaycan Sənaye Korporasiyası” Açıq Səhmdar Cəmiyyətinin “İnsan resursları” departamentinin direktor müavini, 2 aprel 2019-cu ildə “Korporativ xidmətlər” departamentinin direktor müavini, 18 iyun 2020-ci ildə “Korporativ xidmətlər” departamentinin direktoru vəzifəsinə təyin olunmuşdur.

Rüstəm Əkbərli
Strateji inkişaf və kommersiya departamentinin direktoru

Rüstəm Əkbərli 1 sentyabr 1990-cı ildə Yardımlı rayonunda anadan olub. 2011-ci ildə Bakı Dövlət Universitetinin “Beynəlxalq münasibətlər” fakültəsini fərqlənmə diplomu ilə bitirib. 2012-2013-cü illərdə Bakı Şəhər İcra Hakimiyyətində “Ticarət və xidmət” departamentində mütəxəssis vəzifəsində çalışıb. 2013-2014-cü illərdə Türkiyə Cumhuriyyətinin İstanbul Universitetində “Beynəlxalq İqtisadi Münasibətlər” üzrə magistr təhsili alıb. 2007-2015-ci illərdə “Azərbaycan gənclərinin xarici ölkələrdə təhsili üzrə dövlət proqramı” çərçivəsində 2014-2016-cı illərdə Avstraliyanın Sidney şəhərində yerləşən “Macquarie” Universitetində beynəlxalq biznes və beynəlxalq münasibətlər üzrə ikili magistr dərəcəsi alıb. 2016-2017-ci illərdə “Nurgün Holdinq”də “Biznesin inkişafı” şöbəsində menecer, daha sonra şöbə müdiri vəsifəsində çalışıb. 2018-2019-cu illərdə ‘’Azərbaycan Sənaye Korporasiyası’’ Açıq Səhmdar Cəmiyyətinin Maliyyə departamentində İnvestisiya şöbəsinin aparıcı və baş mütəxəssisi, daha sonra şöbə müdiri vəsifəsində çalışıb. 22 yanvar 2020-ci ildə “Strateji inkişaf və kommersiya” departamentində direktor müavini, 14 dekabr 2021-ci il tarixindən etibarən həmin departamentdə direktor  vəzifəsinə təyin olunub.

Toğrul Quluzadə
Hüquq departamentinin direktoru

Toğrul Quluzadə 11 iyun 1989-cu ildə Bakı şəhərində anadan olub. 2006-cı ildə orta təhsilini başa vurub. 2006-2010-cu illərdə Bakı Dövlət Universitetinin Hüquq fakültəsində bakalavr təhsili alıb. Sonradan, Riqa Texnik Universitetinin “İqtisadiyyatın və Biznesin İdarəedilməsi” fakültəsində bakalavr, 2013-2014-cü illərdə Riqa və Stokqolm Ali Hüquq Məktəbində “Beynəlxalq Kommersiya Hüququ” üzrə Magistr (LL.M), 2014-2015-ci illərdə isə Belçika Krallığının Qent Universitetində “Beynəlxalq və Avropa Birliyi Biznes Hüququ” üzrə yüksək Magistr (LL.M) təhsili almışdır.  2015-ci ildə Almaniyanın Arbitraj İnstitutunun və Köln Universitetinin Beynəlxalq Kommersiya Arbitrajı Akademiyasında “Beynəlxalq Kommersiya Arbitraj Hüququ” üzrə, 2019-cu ildə Harvard Universitetində “Müqayisəli Müqavilə Hüququ” üzrə də təhsil almışdır. Həmçinin, 2022-ci il tarixindən Niderland Krallığının Leyden (Leiden) Universitetinin hüquq elmləri üzrə fəlsəfə doktoru namizədidir (PhD Candidate in Law).

2012-2013-cü illərdə Latviya Respublikasında fəaliyyət göstərən “United Oils” şirkətində Müqavilə Hüququ üzrə mütəxəssis və həmin şirkətin regional nümayəndəsi, 2015-2019-cu illərdə Bakı Hüquq Mərkəzində baş hüquqşünas vəzifəsində işləyib. Bundan başqa, Bakı Şəhər Halqası Əməliyyat şirkətində (Formula 1 Azərbaycan) hüquq meneceri və Azərbaycan Respublikası Kənd Təsərrüfatı Nazirliyinin tabeliyində olan “Aqrar Tədarük və Təchizat” ASC-nin Hüquq departamentinin direktoru vəzifəsində işləyib. 10 iyul 2020-ci ildə  “Azərbaycan Sənaye Korporasiyası” ASC-nin Hüquq departamentinin direktor müavini, 07 iyul 2021-ci ildə  Hüquq departamentinin direktoru  vəzifəsinə təyin olunub. 2020-ci il tarixindən BMT-nin “Beynəlxalq Kommersiya Arbitrajı Şurası”nın hüquqşünas üzvüdür. Həmçinin, “London Beynəlxalq Arbitraj Məhkəməsi” nin (LCIA) arbitrı və “Beynəlxalq Ticarət Palatası”nın (ICC) Ticarət, İnvestisiya, Rəqabət və Arbitraj hüququ kommissiyalarının üzvüdür.

 

Oktay Abbasov
İstehsal və əməliyyatlar departamentinin direktor müavini

Oktay Abbasov 12 oktyabr 1983-cü ildə Bakı şəhərində anadan olub. 2001-ci ildə Səbail rayonu 49 saylı orta məktəbi bitirib. 2001-2005-ci illərdə Azərbaycan Texniki Universitetinin Avtomatika və İdarəetmə fakültəsində təhsil alıb. Əmək fəaliyyətinə “Rabitə Bank” ASC-də başlayıb və  2007-2013-cü illərdə “Unibank KB” ASC-də müxtəlif vəzifələrdə işləyib. 2013-2017-ci illərdə “Azərbaycan Beynəlxalq Bankı” ASC-də Problemli kreditlərlə iş departamentində baş mütəxəssis vəzifəsində çalışıb. 2018-2023-cü illərdə “Azərbaycan Sənaye Korporasiyası” ASC-nin “Strateji inkişaf və kommersiya” departamentinin “Tədqiqat, innovasiya və startaplara dəstək” şöbəsində baş mütəxəssis, daha sonra “İstehsal və əməliyyatlar” departamentinin “Əmlakların icarəsi və xidmətlərin təşkili” şöbəsinin müdiri vəzifələrində işləyib. 02 iyun 2023-cü il tarixindən etibarən  “İstehsal və əməliyyatlar” departamentinin direktor müavini vəzifəsinə təyin olunub.     

Sənubər Əliyeva
Baş mühasib - Maliyyə departamentinin direktor müavini

Sənubər Əliyeva 11 noyabr 1969-cu ildə Yevlax rayonunda anadan olub. 1992-ci ildə Azərbaycan Dövlət İqtisad Universitetinin “Mühasibat uçotu və təsərrüfat fəaliyyətinin təhlili” fakültəsini bitirib. 1994-cü ildə 9 saylı Dəmir Beton zavodunda baş mühasib, 2007-2017-ci illərdə isə “Azərelektrik Şəbəkə Tikinti” ASC-də baş mühasib vəzifəsində çalışıb. 18 dekabr 2017-ci ildə “Azərbaycan Sənaye Korporasiyası” Açıq Səhmdar Cəmiyyətinin Maliyyə departamentində “Mühasibat uçotu” şöbəsinin şöbə müdiri və Korporasiyanın baş mühasibi vəzifəsinə, 13 may 2022-ci il tarixindən etibarən isə  Maliyyə departamentinin direktor müavini vəzifəsinə təyin olunmuşdur.

Tale Həsənov
Maliyyə departamentinin direktor müavini

Tale Həsənov 28 iyul 1983-cü ildə Bakı şəhərində anadan olub. 2000-ci ildə Bakı şəhəri, Nəsimi rayonu, 292 saylı tam orta məktəbi bitirib.  2000-ci ildə ali təhsilin bakalavr pilləsi üzrə Azərbaycan Dövlət İqtisad Universitetinin, İqtisadiyyatın Tənzimlənməsi fakültəsinə daxil olub  və 2005-ci ildə fərqlənmə ilə bitirib. 2005-ci ildə ali təhsilin magistr pilləsi üzrə Azərbaycan Dövlət İqtisad Universitetinin  Maliyyə və kredit ixtisasına daxil olub. 2007-ci ildə magistr pilləsini fərqlənmə ilə bitirərək magistr elmi dərəcəsi alıb. 2007-ci ildə  Azərbaycan Milli Elmlər Akademiyasının İqtisadiyyat İnstitutunun İqtisadi nəzəriyyə ixtisası üzrə aspiranturasına (doktorantura) daxil olub və 2010-cu ildə aspirantura pilləsini bitirib.  Aspiranturada  oxuduğu müddətdə namizədlik dissertasiyası mövzusu üzrə elmi-tədqiqat işləri aparıb.  Tədqiqatın nəticələrinə dair 20-yə yaxın məqalə və tezisləri dərc edilib. 2010-cu ildən etibarən maliyyə, audit və layihə idarəetməsi sahəsində peşəkar assosiasiyalara üzv olub və həmin assosiasiyaların sertifikasiya imtahanlarında iştirak edərək beynəlxalq sertifikatlarla təltif edilib. 01 sentyabr 2004-cü ildən Bank sistemində əmək fəaliyyətinə başlayıb. Bu sahədə çalışdığı  12  il ərzində  mühasib-əməliyyatçı, Baş mühasibin müavini,  Baş mühasib, Daxili audit departamentinin direktoru və Filial müdiri vəzifələrində işləyib. Bank sistemində çalışdığı müddətdə “Banklar haqqında” Azərbaycan Respublikasının qanunun 10-cu bəndinin tələblərinə uyğun olaraq bank inzibatçısı kimi 14 iyun 2007-ci il tarixində Azərbaycan Respublikası Mərkəzi Bankında baş mühasib vəzifəsinə təyin olunmaq üçün, 08 iyun 2011-ci ildə isə Azərbaycan Respublikası Mərkəzi Bankında daxili audit bölməsinin rəhbəri kimi attestasiyadan keçərək  müsbət rəy alıb. 10 yanvar 2018-ci ildən etibarən ‘’Azərbaycan Sənaye Korporasiyası’’ Açıq Səhmdar Cəmiyyətinin Maliyyə departamentində Maliyyə əməliyyatlarına nəzarət şöbəsinin aparıcı mütəxəssisi vəzifəsində işə başlayıb. 15 oktyabr 2018-ci ildən Maliyyə departamentinin Maliyyə hesabatları şöbəsinin baş mütəxəssisi, 21 noyabr 2019-cu ildən Maliyyə hesabatları şöbəsinin müdiri vəzifələrində çalışıb. 01 aprel 2021-ci il tarixindən Maliyyə departamentinin direktor müavini vəzifəsinə təyin edilib.

İlqar Vahabov
Strateji inkişaf və kommersiya departamentinin direktor müavini

İlqar  Vahabov 27 iyul 1976-cı ildə Dəvəçi rayonunda anadan olub. 1993-cü ildə Siyəzən rayonunun Gil-gilçay qəsəbə orta məktəbində orta təhsil alıb. 1993-1997-ci illərdə Bakı Avrasiya Universitetinin ali təhsilin bakalavr pilləsi üzrə “Beynəlxalq münasibətlər” fakültəsini, 2004-2007-ci illərdə ali magistr təhsili üzrə Azərbaycan Respublikasının Prezidenti yanında Dövlət İdarəçilik Akademiyasının “Beynəlxalq Münasibətlər” fakultəsini fərqlənmə diplomu ilə bitirib.  2006-2014-cü illərdə “Bakpet” MMC-nin direktor müavini, 2014-2019-cu illərdə  Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “İnnovasiyalar Mərkəzi” MMC-də müxtəlif vəzifələrdə, “Funksional yardımçı xidmətlərlə iş” şöbəsinin müdiri, daha sonra “ASAN Həyat Kompleksləri və Funksional Yardımçı Xidmətlər ilə iş” departamentinin müdiri vəzifələrində çalışıb. 2019-2020-ci illərdə “My Broker” MMC-nin Baş direktoru vəzifəsində çalışıb. 16 sentyabr 2020-ci ildə “Azərbaycan Sənaye Korporasiyası” ASC-nin “Strateji inkişaf və komersiya” departamentində Marketinq və satış şöbəsinin müdiri, 22 dekabr 2021-ci ildə “Strateji İnkişaf və Kommersiya” departamentinin direktor müavini vəzifəsinə təyin olunub.

Süsən Cəfərli
Korporativ xidmətlər departamentinin direktor müavini

Süsən Cəfərli 18 noyabr 1987-ci ildə Tovuz rayonunda anadan olub. Gəncə Dövlət Universitetinin Filologiya fakültəsini “Azərbaycan dili və ədəbiyyatı” ixtisası üzrə bitirərək, Azərbaycan Dövlət Pedaqoji Universitetində həmin ixtisas üzrə magistr elmi dərəcəsini alıb.  İlk əmək fəaliyyətinə 2010-cu ildə Azərbaycan Respublikasının Fövqəladə Hallar Nazirliyi  Tikintidə Təhlükəsizliyə Nəzarət Dövlət Agentliyində başlayaraq insan resursları sahəsi üzrə müxtəlif vəzifələrdə çalışıb. 2021-ci ildən etibarən "Azərbaycan Sənaye Korporasiyası’’ Açıq Səhmdar Cəmiyyətinin törəmə müəssisəsində insan resursları sahəsi üzrə aparıcı mütəxəssis, daha sonra ‘’Azərbaycan Sənaye Korporasiyası’’ Açıq Səhmdar Cəmiyyətinin İnsan resursları şöbəsində aparıcı mütəxəssis və şöbə müdiri vəzifələrində çalışıb. 02 oktyabr 2023-cü il tarixindən etibarən Korporativ xidmətlər departamentinə direktor müavini vəzifəsinə təyin olunub.

Emin Qocayev
Hüquq departamentinin direktor müavini

Emin Qocayev 8 avqust 1985-ci ildə Bakı şəhərində anadan olub. 2003-cü ildə orta təhsilini başa vurub. 2003-2007-ci illərdə Bakı Dövlət Universitetinin Hüquq fakültəsində bakalavr təhsili alıb. 2008-2014-cü illərdə müxtəlif rayon məhkəmələrində məsləhətçi-məhkəmə iclas katibi vəzifəsində, 2014-2015-ci illərdə “Nikoyl” İKB-nin Problemli aktivlərin idarə edilməsi departamenti və 2015-2018-ci illərdə “Turanbank” ASC-nin Problemli kreditlərin idarə edilməsi departamentində müxtəlif vəzifələrdə işləyib. 2018-2019-cu illərdə ‘’Azərbaycan Sənaye Korporasiyası’’ Açıq Səhmdar Cəmiyyətinin Hüquq departamentində Korporativ idarəetmə və müqavilələr şöbəsinin aparıcı və baş hüquqşünası, 2019-2021-ci illərdə Hüquq departamentində Qeydiyyat və məhkəmələrlə iş şöbəsinin müdiri vəsifəsində çalışıb. 8 sentyabr 2021-ci ildə Hüquq departamentinə direktor müavini vəzifəsinə təyin olunub.