“Azərbaycan Sənaye Korporasiyası” ASC İtaliya–Azərbaycan Ticarət Palatasının üzvü olmuşdur
“Azərbaycan Sənaye Korporasiyası” ASC və İtaliya–Azərbaycan Ticarət Palatası tərəfindən hər iki ölkə arasında iqtisadi və ticarət əlaqələrinin inkişafı istiqamətində bir sıra görüşlər keçirilmiş, müzakirələr aparılmışdır. Birgə əməkdaşlığın növbəti mərhələsi olaraq “Azərbaycan Sənaye Korporasiyası” ASC İtaliya–Azərbaycan Ticarət Palatasına üzv olmuşdur ki, bu da qarşılıqlı iqtisadi, o cümlədən biznes əlaqələrinin inkişafı, investisiyaların cəlb edilməsinə dəstək və tərəflərarası əməkdaşlığın müxtəlif istiqamətlərdə yüksəlməsi baxımından əhəmiyyətə malikdir. Palataya üzvlük xarici bazarlara daxil olmaq üçün fərdi layihələrin hazırlanması, idxal və ixrac əməliyyatlarının keçirilməsi, həmçinin ölkələr arasında biznes forumlar, seminarlar və digər işgüzar görüşlərdə iştirak kimi məqamlara öz töhfəsini verəcəkdir.
Fotolent
