-Recovered.gif)
“Azərbaycan Sənaye Korporasiyası” ASC və Alman-Azərbaycan Xarici Ticarət Palatası arasında görüş keçirilib
17 noyabr 2023-cü il tarixində “Azərbaycan Sənaye Korporasiyası” ASC və Alman-Azərbaycan Xarici Ticarət Palatasının rəhbər heyəti arasında görüş keçirilmişdir. Görüşün əsas mövzusu “Azərbaycan Sənaye Korporasiyası” ASC ilə alman şirkətləri arasında əməkdaşlıq əlaqələrinin gücləndirilməsi və genişləndirilməsi olmuşdur.
Görüşdə Korporasiyanın rəhbərliyi tərəfindən Almaniyanın “Achenbach Alpha” şirkəti ilə birgə həyata keçirilən yeni alüminium zavodunun tikintisi layihəsi üzrə aparılan işlər barədə ətraflı məlumat verilmişdir. Bildirilmişdir ki, sözügedən layihənin icrası yönündə yeni müəssisə olan – “İnteral” MMC təsis edilmiş, avadanlıqlar üzrə ilkin layihələndirmə işləri bitmiş və aparılan tikinti işləri çərçivəsində isə layihələndirmə işlərinə başlanılmışdır.
Alman-Azərbaycan Xarici Ticarət Palatasının rəhbər heyəti isə öz növbəsində bu layihənin hər iki dövlət arasında iqtisadi əlaqələrin inkişafında əhəmiyyətindən bəhs edərək, qeyd olunan işlərin həyata keçirilməsi istiqamətində Palatanın daima dəstək göstərməkdə maraqlı olduğunu ifadə etmişdir.
Fotolent
