"Azərbaycan Sənaye Korporasiyası" ASC-nin törəmə müəssisəsi olan “Azəripək” MMC-nin əməkdaşı “Müasir mədəni brendinq: kəlağayı sənəti” adlı videokonfransda iştirak edib

Mədəniyyət Nazirliyinin Elmi-Metodiki və İxtisasartırma Mərkəzinin təşəbbüsü ilə “Müasir mədəni brendinq: kəlağayı sənəti” adlı videokonfrans keçirilib.

Konfransda tədbirin həmtəşkilatçısı "Azərbaycan Sənaye Korporasiyası" ASC-nin törəmə müəssisəsi olan “Azəripək” MMC-nin Marketinq və Biznesin İnkişafı üzrə şöbə müdiri Elvira Məmmədova da iştirak edib. “Azəripək” MMC-nin nümayəndəsi müəssisənin istehsalı olan kəlağayı və digər ipək məhsullarının "Made in Azerbaijan” brendi adı altında dünya bazarında tanınması, milli-mədəni brendlərin yaradılması prosesi və onun idarə olunması mövzusunda fikir və təkliflərini irəli sürüb. Konfransda mədəni marketinq, təbliğat strategiyaları, müasir mədəni xidmətlər və digər mövzular ətrafında da müzakirələr aparılıb.

Yeni xəbərlər