-Recovered.gif)
Ağcabədi pambıqçıları indiyədək 26 min tona yaxın məhsul toplayıblar
Ermənistan silahlı bölmələrinin Ağcabədi rayonunun yaşayış məntəqələrini ağır artilleriyadan atəşə tutmasına baxmayaraq kənd təsərrüfatı işləri, o cümlədən pambıq yığımı davam etdirilir. Tarlalardan hər gün 600 tondan çox məhsul toplanır.
AZƏRTAC-ın bölgə müxbiri xəbər verir ki, rayonda 4200 hektarı “Azərpambıq” MMC, 5069,2 hektarı “MKT İstehsalat Kommersiya” MMC, 1420 hektarı “P-Agro” MMC ilə müqavilə əsasında 10 min 689,2 hektar sahədə pambıq becərilib. Ağcabədi pambıqçıları bu günədək sahələrdən 25 min 904,01 ton məhsul yığıblar.
Qeyd edək ki, 2019-cu ildə Ağcabədi rayonunda 10 min 452,25 hektar sahədə pambıq becərilib, 32 min 99 ton məhsul istehsal edilib, orta məhsuldarlıq 30,7 sentner olub.
